NCD GROUP нь барилга бүтээн байгуулалт, үл хөдлөх хөрөнгийн салбарт 2002 оноос хойш өнөөг хүртэл 20 жилийн түүхийг хамтдаа бичилцэхийн зэрэгцээ салбартаа тэргүүлэгч, манлайлагч компани болтлоо өргөжин тэлж, эх орныхоо бүтээн байгуулалт, хөгжил дэвшилд хөл нийлүүлэн өөрийн гэсэн өнгө төрхийг бий болгон хувь нэмрээ оруулан ажиллаж байна.

Улс орны хөгжил, дэвшлийг бүтээн байгуулалтынх нь хөгжил дэвшил, хүний хөгжлөөр нь тодорхойлдог. Бид дэлхийн жишигт нийцсэн чанар, дэвшилтэт техник, технологийг нэвтрүүлж, ногоон үйлдвэрлэл, эко бүтээн байгуулалтыг цогцлоон, нийгмийн өмнө хүлээсэн хариуцлагаа бүрэн дүүрэн хэрэгжүүлэхийг эрхэм зорилго болгон ажиллаж буй нь эх дэлхий, байгаль орчноо хайрлан хамгаалах сэтгэлгээг нийгэмд төлөвшүүлэн тогтвортой хөгжлийг дэмжихэд оршино. Энэхүү зорилгынхоо хүрээнд манай хамт олон Монгол улсын орон сууцны барилгын салбарт жишиг болох хотхоны гадаад орчин, ногоон байгууламж, тохижилтын шинэлэг шийдэл бүхий иж бүрэн цогцолбор 10 төслийг хэрэгжүүлж, 2700 гаруй айлыг орон сууцаар ханган, 2000 гаруй хүнийг ажлын байраар тогтмол хангахын зэрэгцээ 360 гаруй чадварлаг мэргэжилтэн, архитектор, инженер техникийн ажилтнуудаар багаа бүрдүүлэн ажиллаж байна.

Бидний ажлын үр дүн захиалагч айл өрхийн гишүүдийн гэртээ ирээд мэдрэх тав тух, амар амгалан байдал, аз жаргалаар хэмжигддэг тул асар хурдтайгаар хувьсан өөрчлөгдөж буй хүний амьдралын өнөөгийн хэрэгцээ, хэв маягт бүрэн нийцсэн орон сууц, худалдаа-үйлчилгээ бүхий цогц бүтээн байгуулалтын төслүүдийг амжилттай хэрэгжүүлэхийг зорин ажиллаж байна.

Олон улсад хүлээн зөвшөөрөгдсөн шилдэг орон сууцны төсөл хөтөлбөрүүдийг амжилттай хэрэгжүүлж, бүтээн байгуулж байгаа нь ирээдүйн сайн сайхан, хөгжил дэвшил өөд хамтдаа тэмүүлэн урагшилж байгаа чадварлаг баг хамт олон, хамтран ажилладаг нийлүүлэгч, гүйцэтгэгч, харилцагч түншүүд, мөн түүнчлэн бидэнд үргэлж итгэл хүлээлгэн биднийг сонгож, дэмжиж байдаг Эрхэм захиалагч Та бүхний минь итгэл сэтгэлийн үр дүн юм